LADC CEM báng turin phût

Lawngtlai district-a MNF ṭhalaite leh hmeichhe lam pawlte chuan LADC sorkarah chief executive member (CEM) T Zakunga chu sorkarna siam thei khawp thlâwptu nei loa CEM ni zui zelah an puh a, bâng tura an phûtna thuziak nimin khan Lawngtlai khawpuiah an tár.

Lawngtlai MNF-te chuan, LADC Constitution, Conduct & Bussiness Rules 21(2) - 'Executive Committee chu legislature party lian berte'n majority an neih theih chuan sorkarna an siam tur a ni' tih chu T Zakunga kaihhruai sorkarin an bawhchhia niin an tarlang a; MDC pakua chauh nei chungin rorelna a la kalpui zel nia sawiin, CEM T Zakunga a rang thei ang bera báng turin an phût a ni.