Pawl pali-in thisen unit 156 an pe

July 25, 2015 khan Mizoram hmun hrang hrangah pawl paliin thisen unit 156 an pe.

Chaltlang Branch YMA chuan an kum 68 tlin lawm nan Aizawl Civil Hospital tan unit 90 an pe a, a petute mipa 85 leh hmeichhia panga an ni. Dinthar branch KṬP chuan Synod Hospital tan unit 39 an pe a, a petute hi mipa 31 leh hmeichhia pariat an ni.

Saiha-a Evengelical Church of Maraland (ECM) New Colony pas­tor bial ṭhalaite'n Saiha District Hospital tan thi­sen an pe a; damdawi-in lamin blood bag an neih tlem avangin unit 20 chiah an pe thei. Ram­hlun Venglaia Clash of Clans khel ṭhin, Ramhlun Vikings Clan member mipa paruk leh hmeichhia pakhatin Aizawl Civil Hos­pital tan unit sarih an pe bawk.

Hetih lai hian, Lunglei Civil Hospi­tal Blood Bank chuan tunlai hian thisen an ngheia thu dawn a ni. Blood bank officer-te chuan, pawl hrang hrangin thisen pe ṭhin mah se, an hman chhuah chak avangin an nghei rih niin an sawi.