Khawthlangtuipui atan project 5 thehlut

Ministry of Water Resources hnuaia Central Water Commission chuan Khaw­thlangtuipui a zir chianna aṭangin Mizoram sorkarah project panga a thehlût tawh. Report-a a lan danin, Khawthlangtuipui thûk zawng chu metre 9-10 a ni tlangpui.

Lui luang lai hman ṭangkai dan tur zir chiangtu Central Water Commission hian Khawthlangtuipuia tui luan dan leh a chêt dan an chhinchhiahna chu North East Investigation Division-II kaltlangin sorkar laipuia Hydro Logical Directorate-ah thla tin a thehlût thin. Lui tui luan dan leh chêt dan an zir chianna aṭangin ṭangkai zawka lui luang lai hman dan tur an ngaihtuah leh ṭhin a ni.

Central Water Commission report-a a lan danin, Khawthlangtuipui hnár lam Matisora bula lui kuang chu Investigation Team-te'n an enfiah thuai dawn a; chu lai hmun chu káwlphetha siam chhuahna atan buatsaih tlâk a ni em tih an zir chian hnuah, detailed project report an siam leh dawn a ni.