Bawngkawnah NH-54 a ping

Pathianni zing khawvar hma, dar 2 vel khan NH-54, Bawngkawn-Sairang road-a tipper stand bulah kawng chak lam a min a, kawngpui a hnawh pin bakah, a bul hnaia in ṭhenkhat bang a déng chhia.

Kawng chhak aṭanga lei leh lung tlakna hi a sang hle a, nimin zing khan PWD-te'n thenfai hna thawk nghal mah se, lung lian tak tak a tam avangin an thawk chak thei lo. PWD hotute chuan, lei leh lung tla leh mai theia ngaih a awm nual avangin fimkhur a ngaih thu leh a bul hnaiah mihring veivah phal a nih loh thu an sawi.

Hetih lai hian, NH-54, Hunthar Venga lei tlakhniamna tawntirh, Hunthar Veng chhung lama kawngpui ṭhalai chu kawngpui lái takah a dung záwngin ft. 30 vel a khì a, a thûk zual laiah chuan ft. 2 vela thûkte a ni. Kawngpui khî huam chhung, kawng thlang lamah in a awm nual a ni.