PSU paruk sum hloh nuai 580,3 tling tawh

Comptroller and Auditor General of India (CAG) report thar ber, 2013-14 in a tarlan danin, Mizoram sorkarin public sector undertaking (PSU) paruk a dinte'n an din tirh aṭanga kum 2013-14 kum tawp thlenga sum an hloh tlingkhawm chu cheng nuai 5,803 a tling tawh.

PSU-te hi Mizoram sorkarin sum peipung tura a din an ni a, mahse hlep chu sawi loh, kum tin an sum h;oh a pung zel zawk a ni. CAG Report tarlan danin, 2008-09 kum tawp thlenga PSU parukte an sum hloh tlingkhawm chu cheng nuai 4,023 a ni a, 2013-14 kum tawpah chuan nuai 5,803 a tling chho tawh a ni.

CAG thar berin a tarlan dan chuan, PSU zingah ZIDCO chu hloh loin an kal thei a, an dang zawng chu hloh zelin an kal. MAMCO chu sum hloh tam ber a ni a, ZOHANDCO leh MIFCO ten an dawt. PSU parukah hian thawktu mi 270 vel an awm a ni.

CAG Report chuan, PSU-te sum hloh zinga nuai 1000 chuang chu sum enkawl kawnga fimkhur loh vang leh ruahmanna ṭha a awm loh vang niin a tarlang a; ruahmanna ṭha awmin, sum enkawlah fimkhur se chuan sum hloh chu nuai 1,000 chuangin a tlem thei dawn niin a tarlang.