City Park aṭangin mi 21 khâwm

Central YMA hnuaia Supply Reduction Service (SRS) chuan nimin khan Aizawl City Park an dap a, ruihhlo kaih­hnawih ti leh rûkrûk thila rinhlelh mi 21 an khâwm.

SRS-te hian City Park chu ruihhlo tih nana hmang an tam ṭhin vang leh, awm khawlohna hmuna hmang an tam ṭhin avangin nimin chawhnu lam khan an dap thut a; mipa 19 leh hmeichhia pahnih an khâwm a ni. An mi man khawmte hi Central YMA Office-ah an hruai a, nun kawng dik zawh tura an zilh hnuah an hawtir leh a ni.

An man zinga mi, Paukhanchin (34) s/o Thangdawla, Khawkawn inti chu a ipah pawisa note leh pawisa nâwi eng emaw zat a ah avangin Police hnenah chhui zui turin an hlan.

SRS hian nimin vêk khan heroin hawng hnih leh a neitu mi pahnih an man bawk.