Lok Adalat-ah complaint thehlut

Zanlawn Khaw Hmangaihtu Pawl invuahte chuan, Zanlawna ONGC-in oil leh gas zawn hna an thawhna atana ram luah man an pek chu tihchingpen a nia an hriat avangin, chhui chian a nih theih nan Kolasib District Lok Adalat-ah complaint an thehlut.

Thu dawn danin, ONGC-in oil leh gas zawnna atana Zanlawna ram an luah hi vantlang ram a ni a; Zanlawn V/C term hmasa leh YMA-te'n ram luah man chu khawtlang tana hmasawnna hna thawh nan zat leh zata insem turin ruahmanna an siam a ni.

Zanlawn V/C-te chuan March 3, 2015-ah Kolasib DC Office aṭangin ram luah man cheng nuai 35 an la chhuak a, chung zinga V/C chan, nuai 17 chu V/C inthlanin a nan avangin an hmang zo hman lo. V/C inthlan hnuah V/C thar din a ni a; mahse V/C hluite'n V/C tharte hnenah Rs. 9,000 chauh an hlan bakah, V/C hluite'n hna thawhnaa sum an hmanna hmuh tur Rs. 3,00,000 vel chiah a awm si avangin, nuai 14 vel chu a awmna chin hriat a ni lo.