Hmeichhe Inkhawmpui Lian ṭan a ni

Presbyterian Kohhran Hmeichhe Inkhawmpui Lian vawi 51-na chu nizan khan Thenzawlah ṭan a ni a, March 9, Pathianni zanah a ṭiak ang. Inkhawmpui thupui chu 'Rinawmna' tih a ni a, speaker Upa Lalnunpuia Hrahsel a ni.

Kohhran Hmeichhe Inkhawmpui Lian hi Thenzawl Loṭhazawl khelmuala pandal sakah nghah a ni a; nizan khan palai lawmna leh report inkhawm neih niin, vawiin hian nilengin Thenzawl Field Veng Kohhran biak-inah rorel a nih dawn. Rorel hlanin pandal-ah inkhawm a awm dawn a, chawhnuah thuzir inkhawm a awm bawk ang.

Zaninah Synod moderator Rev. RC Lalnghakliana'n Pathian thuchah a dawn a, naktuk Pathianni chawhma leh chawhnuah Speaker-in thuchah a sawi ang a, chawhma inkhawmah hian Kristian Chhungkaw dinhmun tehnaa ti ṭhate hnenah nomawi hlan a ni ang.

Synod Executive Committee chuan Kohhran Hmeichhe Inkhawmpui Lian chairman thar atan K Vanlalrawni, Mission Veng leh general secretary atan Synod coordinator H Vanlalruati te a lo ruat tawh a ni.