Sawhthing leikhawmna hmun tlawh

MPCC spokesperson Dr Lallianchhunga leh Aizawl District Congress Committee (ADCC) president Lalhmingthanga Pachuau chuan nimin khan Thingsulthliaha sorkarin sawhthing a leikhawmna hmun, secondary collection centre (SCC) a tlawh a, a chhehvel khuaa sawhthing chingtu mi eng emaw zat an kawm nghal.

Sawhthing chingtute nena an inkawmna atanga an thil hmuh dan sawiin Dr Lallianchhunga chuan, 'Thlai thlan bik lei tura an intiamnaah ZPM-te research based an tih hi a hlawhchham chiang hlein kan hria. ZPM research based-in hmunphiah leina atana hun ṭha pawh an hre lo, sawhthing leina atan hun ṭha pawh a liam leh ṭep tawh. ZPM-te hian road map mumal an lo nei lo," a ti.