Civil Hospital thawm ṭha turin an phût

MPC party ṭhalaite chuan thuchhuah siamin, Aizawl Civil Hospital-a X-Ray leh ultrasound khawl dahna in chhung­a tui farte titawp tura thawm ṭha thuai turin Health Minister an phût.

MPCY chuan, "Khawsak harsa leh rethei zawkte innghahna leh belh ber, Aizawl Civil Hospital-a X-Ray leh ultrasound khawlte a dahna hmun chung aṭanga tui a far nasat vanga hman theih loha a awm ngawt hi âwm lo kan tiin, hriatthiam harsa kan ti tak zet," an ti a; X-Ray leh ultrasound tih theih loh vanga harsatna tâwkte an lainat thu an sawi.

MPC ṭhalaite chuan, mirethei zawkte'n damloh nikhuaa an belh ber Aizawl Civil Hospital chu ngaihthah lutukah sorkar an puh a; ram leh mipuite tan ṭhahnem ngai taka thawk tawh turin sorkar an phût a ni.