SRS hruaitu leh member inruat thar

Central YMA hnuaia Supply Reduction Service (SRS)-ah member an inruat thar a, con­vener pawh thlakin, CYMA assistant secre­tary Lalhmachhuana'n a kaihruai tawh ang.

SRS chuan thuchhuah siamin, SRS hnathawh chu a lang mek zel a, Police leh Excise & Narcotics lam nen thawhhona ṭha tak an neih avangin lawmawm an tih thu an tarlang a; SRS hnathawhna atana ṭanpuina petu kohhran, pawl leh mimal hrang hrangte chungah an lawm thu an sawi.

SRS chuan, Mizoram Synod nen ṭang dunin August 4-24, 2015 chhungin Berawtlanga Art & Culture Complex-ah ruihhlo ngaite pualin chhanchhuahna camping buatsaih a nih dawn thu an sawi a; camping hlawhtling tak neih a nih theih nan ṭawngṭaipui turin mipui an ngen a ni.