Sorkar kum kal mek 2015-16 chhungin MGNREGS hnuaiah hna 82 thawk zo tawh

Mizoramah sorkar kum kal mek chhungin Mahatma Gandhi National Rural Employment Guarantee Scheme (MGNREGS) hnuaiah hna 82 thawh zawh tawh a ni a, hna thawh lai 6,000 a awm.

MGNREGA website-a an tarlan danin, kum kal mekah hna thawh zawh tawh 82 a awm laiin, kum 2014-15 chhungin hna 6,910 thawh zawh a ni a; kum 2013-15 chhungin hna 5,384 leh 2012-13 chhungin hna 5,158 thawh zawh a nih thung.

Kum 2015-16 chhungin cheng nuai 2,338.91 hman ral tawh a ni a, kum 2014-15 chhungin nuai 11,420.14 hman ral a ni. Kum 2013-14 chhungin cheng nuai 26,037.67 leh kum 2012-13 chhungin nuai 29,038.56 hman ral a ni bawk.

Kum kal meka sum hman ral tawh nuai 2,338.91 zinga nuai 109.06 chu inrêlbawlna atan hman a ni a; inrelbawlna atan hian kum 2014015 ah nuai 746.12, kum 2013-14 ah nuai 1,693.36 leh 2012-13 ah nuai 1,756.68 hman a ni.

Mipuite inhlawhna senso atan kum kal mek 2015-16 ah nuai 2,065.26 hman tawh a ni a, kum 2014-15 chhungin nuai 7,411.49, kum 2013-14 chhungin nuai 20,430.46 leh kum 2012-13 chhungin nuai 20,752.85 hman a ni thung.

MGNREGS hnuaia sum hmante chu Agriculture leh a kaihhnawiha hna thawh nan hetiang hian hman a ni: kum 2015-16 ah nuai 88.3, kum 2014-15 ah nuai 67.75, kum 2013-14 ah nuai 19.83 leh kum 2012-13 ah nuai 14.35 te a ni.

MGNREGS hnuaiah hian Mizoram pumah job card nei mi nuai 1.84 an awm mek a ni.