International Women's Day hmang

93.5 Red FM, Aizawl Station chuan Women & Child Development department bultumin March 8, Inrinni khan Aizawlah International Women's Day an hmang.

International Women's Day pual hian Kulikawn, Vanapa Hall kawt leh Bawngkawnahte branded vehicle leh portable big screen hmangin hun hman a ni a; hmeichhe dinhmun dâwm kânna leh humhalhna lam thu te, naupang humhalhna lam te, hmeichhe naupang dikna leh chanvo hai chhuahsakna lam thusawite puan chhuah a ni.

Women's Day pualin quiz buatsaih a ni a, Women & Child Helpline number (181) mipuiin an hriat zau theih nan puanzar a ni bawk.