Sorkar tibuai loh thei ang bera inkhawmpui neih ṭhin an rêl

UPC (North East India) hnuaia Aizawl East District Conference vawi 31-na chu nizan khan a ṭiak. Inkhawmpuiah hian sorkar tibuai lo thei ang bera inkhawmpui neih ṭhin an rêl.

Serchhipa UPC biak-inpuia AED inkhawmpui hi March 6, 2025 zan khan ṭan a ni a, March 7, 2025 khan kohhranpui bakah department pathum rorel inkhawm neih a ni. Rorelnaah hian, sorkar tibuai lo thei ang bera district huap conference buatsaih tura hmalak ni se, an ti a; kum 2027 conference nghahna atan Keifang bial an thlang.

Nimin Pathianni chawhnu inkhawmah kohhran member thite sùnna hun hman a ni a; kum 25 chàwl loa kohhran upa ni tawh te, rawngbawlna licence leh senior upa ni tharte hnenah chawimawina hlan a ni bawk.