South Tuipui MLA-in hnathawh tlawh

South Tuipui bialtu MLA Jeje Lalpekhlua chuan March 8, Inrinni khan Hnahthial aṭanga Tuichang panna tur kawng, Nghavarh Link Road laih mek leh MLA fund hmanga Hnahthial Model Venga kawng thawm ṭhat mekte a tlawh a; hna thawktute chu ṭha taka thawk turin a chah.

Jeje Lalpekhlua chuan, Mizoram sorkarin ku thnathawka ei zawngte a ngaih pawimawh avangin Nghavarh Link Road siam a nih thu a sawi a; kawng siam mek chu Tuichang lui behchhana kut hnathawka eizawngte'n awlsam zawka an thlai tharte an lak chhuah theih nan bakah, Tuichang ṭiau leh balu lakna atan a ṭangkai hle dawn thu a sawi.

South Tuipui bialtu MLA hian MLA fund hmanga Hnahthial Model Venga kawng, PCC-a chhun mek a tlawh bawk a; hmanrua an hmante chu ṭha thawkhata a hriat thu sawiin, ṭha taka thawk zel turin thawktute a chah.

Jeje Lalpekhlua hi Hnahthial South-I VC member-te'n an ṭawiawm a ni.