Silchar-ah Chapchar Kût hmang

Silchar-a Mizote chuan March 8, Inrinni khan Sabitri Bhavan, Silchar-ah Chapchar Kût an hmang a, Central YMA president hlui R Lalngheta chu kût pa niin, Silchar Mizoram House deputy resident commissioner Lalhmingliana chu kût thlengtu a ni.

Silchar-a Chapchar Kút hmannaah hian Silchar-a Zo hnahthlak pawl hrang hrang - Zomi Welfare, Hmar Student Association, Kuki Student Organisation, Barak Valley-a YMA branch dinna khaw hrang hrangte chu an tel a; hnam lâm leh zai chi hrang hrang entir a ni. Tlaiah Mizoram House kawtah ruai ṭheh a ni bawk.