Tranport department thila Online-a thu thlenna hawng

Transport department hnathawh kaihhnawiha sawisel duh nei leh an hmalakna tura rawtna neite'n, internet kal tlanga an duh an thlenna tur, Online Complaints Registering and Monitoring System (OCRAMS) chu nimin khan Transport director L Biak­thanga'n a hawng.

Transport department hotute chuan, lirthei permit pek chhuah, seat reservation, train/bus ticket pek chhuah leh chhiah lak khawmte an khawih avangin mipuite'n an lakah lungawi lohna an nei ṭhin tih an sawi a, "Mipui aṭanga sêlna hrang hrang, hna muang, ṭum khata thil tihfel theih loh ang chite a tam bik fo. Online hmanga lungawi lohna, rawtna leh thil hriat duhte zawh theih a ni dawn ta hi department leh mipuite'n an chhawr ṭangkai thei dawn a ni," an ti.

Transport depart­ment-a thil thlen duh neite chuan www.transport.mizoram.gov.in ah an thlen thei dawn a ni. Report lutte chu ni 10 chhunga chhanna pek tur a ni a, hun tiam chhunga chhanna pek theih a nih loh pawhin, ni 10 chhung vekin an pek theih loh chhan an hriattir tur a ni.