Vaihlo leh gutkha zirtir

MHIP general head­quarters leh Mizoram State Tobacco Control Society-te chuan, nimin khan Chanmari YMA Hall-ah vaihlo leh gutkha ten hrilselna a tihchhiat theih dan leh a khapna dante zirhona an buatsaih a; Indian Society on Tobacco and Health (ISTH) Mizoram president Lal Riliani khuallian a ni.

Seminar on Tobacco Control and Gurkha Product hi MHIP presi­dent Lalthlamuani'n a kaihruai a; chawhnu lamah MSTCS nodal officer Dr Jane R Ralte-in vaihlo khuahkhirhna chungchang a sawi a, MSTCS legal consultant Vanlalzari'n gutkha chi hrang hrang khapna dante a sawi bawk.

Seminar-ah hian Aizawl khawpuia MHIP branch-te aṭang­in aiawh pakhat zel, MHIP joint, block leh sub-headquarters aṭangin aiawh pakhat zel an tel.