ZNP ṭhalai president-in Home ministry a dâwr

ZNP chuan thuchhuah siamin, an ṭhalai president Lalmuanpuia Punte-in Bru lak let chungchangah tunlai hian sorkar laipuia hotute a dawr mek a, July 21, 2015 khan Union minister of state for Home Kiren Rijiju a kâwm niin an tarlang.

ZNP tarlan danin, Lalmuanpuia Punte chuan Kiren Rijiju chu a pisaah Bru lak let chungchang a sawipui a, Bru lak let tumnaa enfiah hna thawhnaah inlan duh an awm loh thu a sawi. Kiren Rijiju chuan, "Bru-te hi Mizoramah an kîr duh lo a nih chuan Tripura-ah an awm mai ang chu," tiin a lo hrilh.