LADC sum tichingpena puhte High Court-in interim bail a pe

Lai Autonomous District Council (LADC) hnuaia zirtirtu lâk dana thil dik lo ti leh sum tichingpena puh mi pasarihte chu Gauhati High Court, Aizawl Bench-in nimin khan interim bail a pe.

Mi pasarihte hian ukil atan LH Lianhrima leh B Lalramenga an ruai a; nimin khan Gauhati High Court-ah anticipatory bail an dil a, High Court chuan an dilna ngaihtuah a nih hma atan interim bail a pe. Interim bail pek an nih chhungin Lawngtlai chhuahsan lo tura tih an ni a, anticipatory bail dilna chu August 4, 2015-ah ngaihtuah a ni ang.

Tarlan tawh angin, Aizawl District & Session Court chuan mi pasarihte anticipatory bail dilna chu July 22, 2015 khan a lo hnawl tawh a; Gauhati High Court Aizawl Bench-ah anticipatory bail an dil leh a ni.