Champhai leiletah sangha chhuah

NLUP Implementing Board (NIB) chairman JH Roṭhuama chuan, nimin khan NLUP hmalakna hnuaia a vawi khatna atan leilet buh kara khawi turin Champhai leilet neitute hnenah sangha a sem a, sangha ṭhahnem tak leiletah a chhuah nghal.

JH Roṭhuama chuan, Mizoram chu sanghaah intodelh se a duh thu a sawi a, "Buh kara sangha khawi hi a hautak lo a, a ṭhatna leh hlawkna tam tak ram dangah pawh hmuh tawh a ni. Mizoramah pawh hlâwk thama khawi theih a nih leh loh enchhinna pilot project-ah Champhai hi sorkar chuan a hmang a ni," a ti.

Champhai DC H Lal­engmawia pawhin thu sawiin, ṭanpuina dawngtute'n theihtawp chhuahin hna thawk se a duh thu a sawi.