Hriselna leh chawṭha zirhona buatsaih

Women & Child Development department leh Science Technology & Innovation Hub, Mizoram chuan nimin khan Aizawlah anganwadi worker-te pualin 'Health & Nutrition, Ayurveda & Digital Safety' chungchang zirhona an buatsaih a, Rural Development minister Prof. Lalnilawma'n a hmanpui.

Zirhonaah hian Tlangnuam RD Block huam chhunga anganwadi worker 80 chuang an tel a, thupui hrang hrang hmangin mithiamte'n thil pawimawhte an zirtir a ni.

Prof. Lalnilawma chuan, India ramin kum 2047-a Viksit Bharat (developed India) nih a tumna kawngah hriselna chu a bulpui ber a nih thu sawiin, "Ram innghahna ṭhalai hrisel nei turin nute'n mawh an phur hmasa ber a, nute'n an fate uluk taka hrisel tura an enkawl phawt chuan ṭhalai hrisel neiin, ram hrisel kan din theih ngei ka beisei," a ti a; training chu ṭangkai taka hmang turin anganwadi worker-te a chah.

Synod Conference Centre-a zirhona hawn inkhawmah hian WCD director Zoramthangi Chhangte leh STI Hub principal investigator Prof. Raghu Raman te pawhin thu an sawi a, thutiam sawi rual a ni.