Zira'n Synod puiPaTe ngaihdam a dil

MPCC vice president R Lalzirliana chuan nimin khan a pisaah Synod puipate lêngah sâwmin an inkâwm a; Congress Thlifim chanchinbua sorkar policy do pastor-te thlanna tur chhuah a nih avangin ngaihdam a dil.

R Lalzirliana chuan, pastor-te chungchanga questionnaire siam chu an party duh dana tih a nih lo tih sawiin, "Tute emaw ṭhahnemngai thil tih a ni. Tun hnuah chuan khatiang kha a thlen tawh loh ka beisei. Kohhran mipui leh pastor-te rilru kan tihnatnaah ngaihdam ka dil a ni," a ti.

Zu zawrh tura kohhran an ràwn loh tur thu a sawi chungchangah Home Minister chuan, "Kohhran chuan zu zawrh a duh dawn loh avangin ràwn buai loh ni se, kan tihna a ni," a ti a; ngaih loh lama ngai lo turin a ngen.

R Lalzirliana hi minister R Romawia, Lalsawta, Lalrinmawia Ralte leh parliamentary secretary Lt.Col. ZS Zuala ten an ṭawiawm a; Synod puipate hi moderator Rev. Lalrinmawia'n a ho a ni.