Education Centre sakna tur enfiah

School Education department leh PWD hotute chuan, nimin khan parliamentary secretary (Education) Joseph Lalhimpuia hoin Aizawl DC office bula Education Centre sakna tur hmun an enfiah.

Joseph Lalhimpuia chuan, Education Centre sakna atana thil ṭul chinfel ngai ang angte chu School Education leh PWD ten an chinfel thuai a ṭul thu a sawi a, "Building hlui luahtu DEO leh SDEO-te chu an awmna tur zawnfel thuai ṭul," a ti.

Parliamentary Secretary sawi danin, School Education department-in Education Reform Commission tihhlawhtlinna atana rawtna NEC-a a thlen chu Mizoram project zingah ngaih pawimawh tura dah a ni.

Joseph Lalhimpuia hian nimin vek khan Mizorama sikul awm zawng zawng map hmanga awlsam taka en theihna tur Information & Communication Technology buatsaih mek 'School Mapping' a endik bawk.

School Mapping hi zawhfel a nih hunah chuan Mizoram chhunga sikul tinte chanchin kimchang, naupang an neih zat leh zirtirtu thawk mekte dinhmunte a en theih dawn a ni.