Mara ADC session ṭan a ni

Mara Autonomous District Council (MADC ) fur ṭhutkhawm chu nimin khan khan ṭan a ni a, ni thum chhung a awh ang.

MADC session hi chairman LC Chakhai-a'n a kaihruai a, Panel of Chairman tan K Siakhai leh FC Rehmo te ruat a nih thu a puang a; MDC hlui thite sûnna hun hman a ni. Session-ah hian starred question 53 leh unstarred question pakua a lut a, nimin khan starred question 18 chhan hman a ni.