Kolasib dist.-a model village sawiho

Kolasib district chhunga MLA-te'n model village atana an thlan - Thingdawl, Meidum leh Saiphai khuaa ruahmanna kalpuina tura Village Development Plan (VDP) siam chungchangah nimin khan Line department aiawhte leh chanvo neite chu DC Jitender Yadav hoin a pisa-ah an ṭhukhawm.

Jitender Yadav chuan, model village chei nan a hranpaa sum ruahman a awm loh thu sawiin, department chanvo neite chu ruahmanna an siam reng reng huamzau leh chipchhiar taka siam turin hrilh a, "SAGY hi mipui tana ruhrel ṭangkai ang chi siam leh kawng hrang hranga thingtlang mipuite chawikanna a nih dawn bakah, hriselna lam leh rilru sûkthlêk thlenga siam ṭhatna leh kawng dik khawhmuhte a huam a ni," a ti.

Meeting-ah hian Village Development Plan siam chungchangah July 30, 2015-ah training neih an rel a; Village Development Plan siamna atana thil pawimawhte chu July 31 hmaa theuhluh a, VDP chu August 15 hnu lama siam an rel a ni.