Salem vengah insât hlum

Malsawmtluanga (36) s/o Thanhlira, Salem Veng, Aizawl chu July 21, 2015 khan Thangrimawia (22) s/o Tualdala, Buang khua, Salem Venga khawsa mek nia sawi chuan Salem Veng mawng lama AH&Vety department Slaughter House bulah a sât hlum nia thu dawn a ni.

Salem veng YMA hruaitute hnen aṭanga thu dawn danin, Thangrimawia hian Malsawmtluanga hi Thawhlehni chhun dar 12 velah a sât a, Thawhlehni zanah a thi chauh a ni. Nimin chawhma dar 11 vel khan mi dangin an hriat hnuah police-in an la a, Thangrimawia pawh police-in an man nghal a ni.