MSACS leh Transport dept. thawkho dawn

HIV/AIDS ven kawnga thawkho turin sorkar laipuia Ministry of Road Transport & Highways leh National AIDS Control Organisation (NACO) ten Memorandum of Understanding an ziak a, chumi bawhzui dan tur ngaihtuah­in MSACS leh Transport department hotute nimin khan Transport director pisaah an ṭhukhawm.

Ṭhutkhawmnaah hian HIV/AIDS darh zel tur ven kawnga Transport department leh MSACS thawhho dan tur sawiho a ni. Transport department leh mimal lirthei khalh zirlaite hnenah HIV/AIDS natna leh inkai darh tur ven dan zirtirna neih thuai tur an rel a; Transport department bus ticket (wayside) hnungah leh lirtheia bel tur HIV lam hawi inzirtirna thuziak sticker bel tur buatsaih an remti bawk.

Transport department leh MSACS hian thawhhona ṭha zawk an neih theih nan Joint Working Committee an din nghal a, chairman-ah Transport Joint Director (Operation) ruat niin, Secretary-ah MSACS Project Director ruat a ni. Member-ah Transport department aṭang­in Joint Dirtector (STA) leh Transport Driving School Principal-te ruat an ni a, MSACS aṭangin an la ruat belh bawk ang.