'Kan tui, kan nunna' tih zirho

Nimin khan Lawngtlai DC conference hall-ah India Water Week, 2015 thupui 'Kan tui, kan nunna' tih thupui hmangin workshop buatsaih a ni.

Workshop kaihruaitu Lawngtlai additional DC R Lalsangluaia chuan, khawvelah tuihna a tlem tial tial tih sawiin, "Tui nei turin tha leh zung, sum leh pai kan séng tam tial tial a, chuti chung chuan kan tui hmuh chhunte an thianghlim lo tial tial thung. Tui hnár tichereutu chuan nunna hnár a suat a, a tibawlhhlawhtu chuan túr a sem a ni," a ti.

Zirhonaah hian Lawngtlaia sorkar officer te, V/C te, tlawmngai pawl hruaitu te, chanchinbumi te, Lawngtlai College zirlaite leh sikul thlan bika zirlaite an tel a; PHE SDO Lallawmpui Vaw­thly-in thupui a sawi.