MZP-in H&TE hotute hnenah Chakma zirlaite seat pe lo turin ngen

MZP chuan nimin khan Higher & Technical Education (HTE) Secretary hnenah lehkha thehlutin, State Medical & Technical Entrance Examination 2015-a Category I-a dah tak Chakma zirlai 13-te chu ram leilung fa an nih loh avangin Category I aṭanga seat pek chhan tur an hriat loh thu an hrilh.

MZP-in an general secretary hminga lehkha an thehluhah chuan, Mizorama Chakma tam zawkte chu India ram páwn aṭang leh Mizoram state páwn aṭanga dan loa a rûka pêm khawm an nih avangin STEE Category I-a dah tak Chakma zirlai 13-te pawh dan ang thlapa Mizorama awm an nih an rin loh thu an ziak a ni.

MZP chuan Chakma zirlai 13-te chu Mizoram leilung fa (indigenious) an thlahtute aṭanga dan ang thlapa Mizorama awm an nih leh nih loh chhui fiah turin HTE Secretary an ngen a; "Chakma zirlai 13-te hi ram leilung fa an nih loh avang leh an thlahtute aṭanga dan ang thlapa Mizorama awm an nih leh nih loh a chian loh avangin Mizoram qouta-a technical course zir thei an nih chhan kan hre lo a, Chakma zirlai 13 hnenah hian seat pe chhuak lo turin kan ngen a che," an ti.

MZP chuan STEE paltlang Chakma zirlai 13-te seat pek an nih leh nih loh chîk taka an thlir zui reng dawn thu an tarlang a ni.