Tuirini HEP siam dan tur sawiho

Tuirini Hydro Electric Power (HEP) Project, kawlphetha megawatt 25 pe chhuak thei tur siam dan tur ngaihtuahin nimin khan CMO-a Cabinet Room-ah Power & Elec­tricity changtu chief minister Lal Thanhawla leh P&E department hotute an ṭhukhawm.

Meeting-ah hian P&E engineer-in-chief L Pachuau-in Tuirini HEP siam dan tur a lem nen a hrilhfiah. Chief Minister chuan Tuirini HEP siam ngei a nih theih nan chief secretary kaihhruai High Power Committee din thuai ni se, tiiin a rawt. Ruahman dan chuan Tuirini HEP atan hian Sesawng khaw bulah Tuirini khuah tum a ni a, a siam nan BRICS Bank, Sanghai aṭangin loan lâk beisei a ni.

Meeting-ah hian Fi­nance minister Lalsawta, minister of state for P&E Lal Thanzara, CM special secretary LR Thanga, Fi­nance secretary LN Tochhawng, P&E sec­retary RK Gupta, Plan­ning secretary Dr C Van­lalramsanga leh officer dangte an tel.