Leimin chungchang sawrkar hotute zirtir

Geological Survey of India (GSI), New Delhi leh Disaster Management & Rehabilitation (DMR) department ṭangkawp chuan, nimin khan Secretariat conference hall-ah sorkar department hotute tan leimin chungchang zirhona an buatsaih.

DMR secretary PC Lallawmsanga chuan, Mizorama leimin tam tak chu mihringte kut thlak vang a nih avangin vên theih a nih thu sawiin, "Lemin hi chhiatna nasa tak thlentu a nih avangin mi tin kan fimkhur a pawimawh a, uar taka kan inzirtir chhawn zel a ṭul," a ti a; workshop chu hman ṭangkai tum ṭheuh turin department hotute a ngen.

GSI director BM Gairola chuan, leimin thlen ṭhinna hmarchhak state hrang hrangte hnenah leimin chung­chang zirhona leh inhrilhhriatna programme neipui tura sàwmna chu Mizoramin a chháng hmasa ber tih a sawi a, "Khawtlang tana boruak muan­awm leh him zawk siam a nih theih nan khuarel leilung, boruak, sik leh sa inbûk tâwk tichhe zawnga kan chet loh a pawimawh," a ti.

GSI geologist leh Mizoram geologist-te chuan leimin chungchanga hriat tur pawimawh hrang hrangte kalkhawm­te an hrilhfiah a ni.