Covid-19: Mizorama kái 44 zingah sikul aṭanga kái mi 21 an awm
October 29, Nilainia Mizorama Covid-19 vei hmuh chhuah mi 49 zingah Mizoram tualchhunga kái chhâwng (local positive contact) mi 44 an awm a; an zingah sikul lam aṭanga kái nia hriat mi 21 an tel.
Sorkar thuchhuah aṭanga a lan danin, Nilainia Covid-19 vei hmuh zinga tualchhunga kái chhâwng 44-te chu Aizawla veng 14-a mi 39 leh khaw dang panga-a mi panga an ni a; hri kai ṭanna hriat theih loh mi paruk an awm a, taksaa harsatna nei (Covid-19 symptom lang) mi 15 an awm bawk.
Sikul kalna aṭanga kái nia hriat (tarlan) mi 21 awmin, zirlai 20 leh zirtirtu pakhat an ni a; Endeavour School aṭangin 15, Staines Memorial School pakhat, Neuhoff School leh St. Joseph HSS pakhat ve ve, Don Bosco School (Lawngtlai) pahnih leh Blue Mountain School (Sangau) pakhat an ni.