Champhai district-a mi 713 hnenah sawhthing man nuai 184.90 pe tawh

Champhai district-a secondary collection centre (SCC) 10 aṭangin sawhthing kg. 3,96,811.778 (quintal 3,698.11778) lei a ni tawh a, sawhthing neitu mi 713 hnenah direct benefit transfer hmangin sawhthing leina man Rs 1,84,90,589 pek a ni tawh.

Nimin khan Champhai District Agriculture Marketing Committee chu an chairman Mohammad Aqquib, bawrhsap hoin an ṭhukhawm. Meeting-a tarlan danin, Champhai district-a SCC 10 aṭangin Rs 1,84,90,589 man sawhthing kg 3,69,811.778 lei a ni tawh a, leina man pawisa chu mi 713 hnenah an bank account-ah thun tawh a ni.

Champhai district-a SCC pariatah sawhthing lei sa kg. 4,81,284 a awm mek a, chu'ng sawhthing mante pawh pe chhuak thuai tura hmalak mek a ni.

Ṭhutkhawmah hian Champhai district-a sawhthing lei tawh dan leh lei hmabak dinhmun te, sawhthing leitu turte dinhmun leh an harsatnate thlirho a ni a; sawhthing chhùn khawmna hmun (SCC) vil tur nodal officer leh supervisor an ruat bawk.