Harhna chungchangah Inràwnkhawmna nei

Mizoram Synod chuan nimin khan Synod Conference Centre-ah harhna chungchanga inràwnkhawmna a buatsaih a, bial hrang hrang aṭangin aiawh pastor leh kohhran upa mi 200 vel an tel.

Inràwnkhawmna hi Synod moderaror Rev. Lalrinmawia'n a kaihruai a; Synod senior executive secretary Rev. Lalzui­thang'n harhna chungchanga a thuziah a chhiar chhuak a, sawiho zui a ni.

Sawihonaah hian Mizorama harhna a lo thlen tawh dan leh harhna vanga a ṭha zawng leh ṭha lo zawnga thil lo thlen tawh dan te; tunlaia harhna thleng mek chu kohhranin a hlâwkpui theih dan tur te, kohhran committee-te'n an dawnsawn a, hmalak dan tur ṭha te; harhna leh a ze ken chungchanga ngaihdan phír awma hmalak dan turte leh kohhran hruaitute mawhphurhnate an sawiho a ni.

Synod hruaitute chuan, sawihonaa an inlungrual tlânnate chu ziakin an dahṭha ang a, kohhrante inkaihhruaina atan tualchhung kohhran tinah an la thawn darh dawn niin an sawi.