Dawrpui Multipurpose Centre Sak ṭan dan tur an sawiho

UD&PA minister Zodintluanga hoin nimin khan a pisaah Dawrpui Multipurpose Centre sak ṭan dan tur sawiho a ni.

Zodintluanga chuan, Dawrpui Multipurpose Centre chu sak ṭan thuai a ṭul a tih thu sawiin, "PWD lamin an hna chanpual leh bawhzui ngaite lo tifel a, kar leh lamah a sak hna thawk ṭan tura hmalak ni se," a ti.

Meeting-ah PWD engineer-in-chief R Vanlaltluanga, chief engineer (Building) Henry Lalmuankima, UD&PA director Zorammuana-te bakah Dawrpui Local Council leh YMA hruaitute an tel a ni.