A Sawibunga manna thupek sût

Mizoram Bru Displaced Peoples Forum (MBDPF) president A Sawibunga chu nimin khan a thubuaiah Aizawl District Court-ah a inlan a, August thlaa inlan leh tura tih a ni.

A Sawibunga hi June 26, 2015 khan Court-ah a inlan tawh a, nimina Court-a a inlan leh hian ṭha taka Court-a inlan zel a intiam avangin Mamit District Court-in manna thupek a chhuah tawh chu Aizawl District Court chuan a sût.

YMA sub-headquar­ters, Mamit chuan A Sawibunga hi Times of India correspondent hnenah dik lo taka Mizoram chanchin sawi a puhin Mamit District Court-ah nikum July thla khan petition an thehlut a ni.