Larsapin Nirbhay Sharma in TNT a tlawh

Governor Lt.Gen. Nirbhay Sharma chuan nimin khan Zuangtuia Thutak Nunpuitu Team (TNT) hmun a tlawh a, thawktute leh TNT-a awm mekte a kâwm.

Larsap chuan, TNT hmunhma chu a tum aiin a hmuh ropui thu sawiin, “Thawktu inpekna hian rilru a khawih a, ṭawngka mai chuan a ropuizia sawifiah thiam a har hle,” a ti a; remchang dangah tlawh leh ngei a tum thu leh, Larsap a nihna anga tih theih a neih chuan TNT kal zelna tura theihtawp chhuah a tum thu a sawi.

TNT-ah hian thawktu 57, naupang 414, Pangpar Huana enkawl mek 325 leh ruihhlo ngai sim tum 480 an awm mek a ni.