Lungleiah India Water Week hmang

Lunglei District Organising Committee on India Water Week 2015 leh Central Water Commission ṭangkawp buatsaihin nimin khan Lunglei YMA sub-headquarters office conference hall-ah India Water Week 2015 hman a ni. He hunah hian Mizoramah ni khata mipui tui mamawh litre nuai 125 chu phuhrûk zawh a nih loh thu an tarlang.

Week hmannaa Central Water Commission aṭanga tel TV Jagannadha Rao chuan, sorkar laipuiin district zawng zawngah January 13-17, 2015 chhungin India Water Week hman tura tih a nih thu a sawi.

PHE SE H Duhkima sawi danin, Mizoram puma mipuite'n ni khata tui an mamawh zat chu litre nuai 615 a ni a; mahse tun dinhmunah chuan litre nuai 492 chiah pek theih niin, litre nuai 125-in mipui mamawh a phuhru zo lo a ni.