Tomato enkawl dan inzirtir

Mizoram University-a Department of Horticulture, Aromatic and Medicinal Plants (HAMP) chuan nimin khan MZU-ah tomato enkawl dan inzirtirna an buatsaih a; MZU controller of examinations Prof. Lalnuntluanga'n hmanpuiin, "Horticulture lama hmasawn tur leh loneitute khai kân nan hmanraw thuam ṭhat a pawimawh," a ti.

Zirhona hi sorkar laipuia Department of Biotechnology (DBT), Biotech-Krishi Innovation Science Application Network (Biotech-KISAN) project hnuaiah kalpui a ni a; Sihphir leh Tanhril aṭangin loneitu 35 an tel.

A taka inzirtirna chu MZU-a HAMP Bamboo Based Low Cost Polyhouse Experimental Farm buatsaih a ni a; he hmunah hian tomato (Arka-Abhed) 9,000 vel thar a ni a, zirhonaa tel kut hnathawktute hnenah 7,000 chuang sem a nih bakah, tomato chìnna hmanrua sem a ni.