CADC-ah VC thlan a ni

Nimin khan Chakma Autonomous District Council (CADC) huam chhunga village council inthlanpui neih a ni a, tluang takin vote thlak a ni.

CADC-a VC inthlanah hian zing dar 7-ah vote thlak ṭan a ni a, tlai lam dar 4 thleng vote thlak hun hawn a ni. Tlai dar 4 thleng khan mi 26,652 vote an thlak a, vote tla zat percentage chu 74.19 a tling. Vote tlate chu nimin tlai dar 5 khan chhiar ṭan a ni.

CADC-ah hian VC 88 awmin, tun ṭum VC thlanah hian candidate 977 an awm a, general seat-ah candidate 826 leh reserve seat (hmeichhia)-ah candidate 151 an awm. Vote 37,883 an awm a, mipa 19,162 leh hmeichhia 18,721 an ni.