LPG agent-te fimkhur turin Consumer Court-in a hriattir

Mizoram State Consumer Disputes Redressal Commission (SCDRC) chuan Mizoram Indane Distributors Association (MIDA) chu false affidavit leh LPG home delivery chungchangah fimkhur turin a hriattir.

SCDRC tarlan danin, Commission-in October 19, 2023-a judgement order a lo siam tawh chu tihhlawhtlin a nih loh avangin Mizoram Consu­mers' Union President-in execution peti­tion a dil a; chumi ang chuan LPG home delivery chung­chang ngaihtuah a ni.

MIDA-in Consumer Court-a affidavit an thehluh chu dik tâwk loa hriat a nih avangin Commission chuan gas distributor tinte chu April 3, 2025 ral hmaa affidavit file turin a ti a; LPG home delivery chungchang chu ngaihtuah leh turin a dah a ni.