Aizawlah Purple Fair buatsaih a ni

Pianphunga rualbanlote thil siam chi hrang hrang zawrh leh hralh chhuahna hun, Purple Fair chu nimin khan Lammualah buatsaih a ni a, Aizawl bawrhsap Lalhriatpuia'n a hawng.

Purple Fair hi sorkar laipuia Ministry of Social Justice & Empowerment hnuaia Department of Empowerment for Persons with Disabilities bultuma National Institute for Persons with Disabilities Regional Centre, Aizawl buatsaih a ni a; stall 15 siam niin, chu'ngah chuan rualbanlote thil siam chi hrang hrang zawrh a ni.

Nimina Purple Fair-ah hian rualbanlote hmanraw mamawh hrang hrang sem nghal a ni a; rualbanlote'n hnam lâm chi hrang hrang an entir bakah, infiamna chi hrang hrang hmangin intihhlimna hun buatsaih a ni bawk.