Endiktute'n Mamit Jail an endik

Mamit district Integrated Child Protection Service (ICPS) hnuaia din Jail Inspection Team chuan nimin khan Mamit District Jail an tlawh a, naupang, kumtlinglo táng an awm leh awm loh an enfiah.

Jail Inspection Team hi thla thum danah jail endik ṭhin tura tih a ni a, chumi ang chuan nimin khan team leader Esther Zorini Hauhnar, principal magistrate hoin District Jail endik a ni. Endiknaah hian Mamit District Jail naupang kumtlinglo táng an awm lo tih hmuh a ni. Jail tángte chu harsatna an neih leh neih lohte an zawt bawk.

Mamit District Jail-ah hian nimin dinhmun angin táng mi 53 an awm a, mipa 48 leh hmeichhia panga an ni. Jail tlawhnaah hian Team Leader bakah, Zatluanga Sailo, P Lalchunglura, Lalrinchhani leh ZD Lalremruata te an tel.