CSS hnuaia thawkte'n sorkar Office Memorandum duh lo

NHM Employees Union Mizoram (NEUM) chuan, Centrally sponsored scheme (CSS) hnuaia thawkte dah ngheh chungchanga Mizoram sorkarin office memorandum a tihchhuah chu CSS hnuaia thawkte dah nghehna kawng tiping theiah ngaiin an duh loh thu an puang.

NEUM hian nimin khan Dawrpui Multipurpose Hall-ah General Conference vawi 3-na an hmang a; resolution siamin, CSS hnuaia thawkte ngheh theihna turin Mizoram sorkarin June 18, 2024-ah Gazette issue no.376 'The Mizoram Regularization of Centrally Sponsored Scheme(CSS) Employees Scheme, 2024' a tichhuak a, chumi hnuah October 21, 2024-ah 'Office Memorandum on Regularization' a tichhuak leh tih an tarlang.

NEUM resolution chuan, "Sorkarin a ngheta min dahna tur kawng tiping zawnga OM min siamsak leh hi kan ngaithiam lo hle a, tun kum chhung ngei hian CSS-te sorkar hna ngheta kan luhna turin recruitment rules siam a, Gazette lo chhuah tawh tipuilting ngei turin sorkar kan ngen e," a ti.

NEUM inkhawmpui hi an president K Lalrammawia'n a kaihruai a ni.