CADC VC thlanah BJP che ṭha ber

14th March, 2025

Chakma Autonomous District Council (CADC) huam chhunga March 12, Nilainia village council inthlanpui vote tlate chu chhiar zawh a ni tawh a, BJP an che ṭha ber.

CADC huam chhungah hian VC 88 a awm a, chung zinga 64-ah BJP an chak a; ZPM-in VC 12 an la a, MNF-in VC pariat lain, independent-te'n VC pahnih an la a, chak bik awm lohna VC pahnih a awm.

CADC-ah hian VC seat 516 awmin, general seat 428 leh reserved seat (hmeichhe seat) 88 a awm a; BJP-in seat 366 (general 304 leh reserved 62) an la. ZPM-in dawtin seat 81 (general 67 leh reserved 14) an la a, MNF-in seat 45 (general 38 leh reserved 7) an la. Congress (INC) party-in seat pahnih (general 1 leh reserve 1) an la a; independent candidate-te'n seat 22 (general 18 leh reserved 4) an la bawk.