Chhiatna thlengah mi 3 an thi

Nimin khan Mizoramah hmun pahniha chhiatna thlengah mi pathum an thi a, pahnih chu naupang an ni.

Nimin zing dar 9:30 vel khan Lunglei district-a Belthei khua kopang chimin mi pahnih a chhilh hlum. Thu dawn danin, Belthei khuaah hian kawngpui sira tui luankawr tur laih a nih laiin a chhak lam kopang a chim a, mi pathum a chhilh. Leiin mi a chhilh zinga mi Vanmawia (29) leh Zothanmawia (14) te an thi a, vawiinah vui a ni ang.

Nimin chhun dar 12 vel khan Lalruathlui (4) d/o Vanlalmuanpuia Tochhawng, Lengpui chu a pa ute tuizemah a tla hlum. Thu dawn danin, Lalruathlui hi a chhungte'n an hmuh mai loh avangin an zawng a, darkar khat vel an zawn hnuah tuizemah thiin an hmu a ni.