ACB-in kuminah thubuai 3 ziak lut tawh

Anti Corruption Bureau (ACB) chuan kumin chhungin thubuai pathum an ziak lut tawh a, chu’ng thubuaiahte chuan mi 25 hming tarlan a ni.

ACB-in kumina thubuai an ziah luh tawhte chu - Kau Tlabung leh Tuipang Mini Hydel Project siamnaa sum hman dik loa puhnaah te, Lai Autonomous District Council (LADC) hnuaia thawktu lak dana thil ti dik loa puhnaahte leh mahni thuneihna hmang suala ram neia puhnate a ni.

Kau Tlabung leh Tuipanglui Mini Hydel Project thubuaiah hian mi 16 hming a lang a; LADC hnuaia hna lak thubuaiah mi pasarih hming langin, thuneihna hman dik loa ram neih thubuaiah hian mi pakhat hming a lang.