Satellite Research Centre-ah Khuangleng thlan a ni

Indian Council of Agri­culture Research (ICAR) chuan Mizorama ran vulh enkawlna hmun, ‘Mini Satellite Research Centre’ atan Khuangleng a thlang a, bul ṭanna ata cheng nuai 100 ruahman a ni.

Sorkar thuchhuah tarlan danin, Nagaland-a Nedziphema chu National Research Centre awm­chhun a nih avangin Mizorama ran vulh, a bikin sial leh bawngte awlsam zawka enkawl a nih theihna turin rawtna thlen a ni a, ICAR chuan Khuangleng chu Satellite Research Centre hmun atan a thlang a ni. A hmun tur pawh AH&Vety department chuan an thlang tawh.

Satellite Research Centre hian NLUP hnuai­a sial leh bawng vulh thlangtu chhungkuate tan ranvulh leh enkawl kawngah nasa takin a ṭanpui thei dawn a ni.