Ujjwala Scheme-ah Kolasib district mi 142 ringhlel

Kolasib district-ah sorkar laipuiin gas connection nei lo hmeichhiate tana gas connection a pekna, Ujjwala Scheme hnuaiah rinhlelh kai mi 142 an awm a; a rûka gas hralh/zawrh a tam avangin veng turin chak lehzuala hmalak a ni dawn.

Kolasib District Ujjwala Committee (DUC) chu an chairman Robert C Lalhmangaiha, bawrhsap kaihhruaiin March 13, Ningani khan an ṭhukhawm a; Indian Oil Corporation (IOC) Chief Manager (LPG Sales), FCSCA department aiawh, MHIP leh Kolasib district-a gas agency hrang hrang aiawhte an tel.

Ṭhutkhawmah hian, Kolasib district-ah Ujjwala Scheme hnuaia hamṭhatna dawng zingah rinhlelh kai mi 142 an awm thu tarlan a ni a; mi 142-te chu an dinhmun hriat chian tuma hmalak ni se, IOC leh gas agency-te a dapchhuah kawngah thawkho se, an ti.

Kolasib district-ah a rûka gas hralh/zawrh (black marketing) a tam thu tarlan a ni a; black market tihrêm a nih theih nan chak lehzuala hma la thei turin DUC chu tihlen a, Kolasib SP bakah Legal Metrology department leh YMA aiawhte member-ah telh belh an rel a ni.